Амбасада ЗША абвяшчае спабор ў межах праграмы “Пасольскі Фонд па захаваньні культурнай спадчыны” з мэтай дапамогі ў захаваньні нацыянальнай культурнай спадчыны. Пасольскі фонд прымае заяўкі на атрыманьне грантаў па наступных накірунках: -Кансэрвацыя й рэстаўрацыя прадметаў і калекцыяў; стварэньне ўмоваў захаваньня альбо дэманстрацыі экспанатаў і калекцыяў; навучаньне кансэрвацыі й рэстаўрацыі. -Кансэрвацыя й рэстаўрацыя археалягічных і гістарычных аб’ектаў, помнікаў і сакральных мэсцаў; археалягічная разьведка, дакумэнтаваньне. -Кансэрвацыя й рэстаўрацыя вуснай народнай творчасьці, музыкі, танцаў, абрадаў; дакумэнтаваньне й аўдыёзапіс. Заяўкі прымаюцца на ангельскай і беларускай (расейскай) мовах і мусяць складацца наступным чынам:
1.Назва праекта
2.Мэта і задачы
3.Месца рэалізацыі
4.Агульнае апісаньне праекта
5.Час рэалізацыі
6.Абгрунтаваньне важнасьці дадзенага культурнага аб’екта, калекцыі і г.д.
7.Абгрунтаваньне неадкладнасці праекта
8.Дэталёвы бюджэт
9.Інфармацыя аб арганізацыі
10.Рэзюмэ кіраўніка праекта і супрацоўнікаў
11.Іншыя крыніцы фінансаваньня і суфінансаваньня, калі ёсьць.
Апошні тэрмін падачы заяваў: 20 студзеня 2008 году.
Заяўкі прымаюцца па адрасе:
вул. Герцэна 2а, г. Менск,
220030
Аддзел інфармацыі, адукацыі й культуры Амбасады ЗША.
Эл.пошта: irc@usembassy.minsk.by
ircinfo@usembassy.minsk.by,
факс: (375) 17 211-03-84.

