Выбары былі абвешчаны 24.06.2008г. указам №344 Прэзыдэнта РБ.
25.06.2008г. пасьля апублікаваньня пастановы ЦВК па акругах, стала вядомым, што Жодзінская выбарчая акруга атрымала новы нумар №66 (была №81), як і Лагойская №67 (была №82). Акрамя таго, чарговы раз зьмянілася нарэзка акругаў і практычна да максымальна дапушчальнага павялічылася колькасьць выбранікаў.
У склад Жодзінскай - не ўвайшлі сельсаветы Барысаўскага раёну: «Велятичский и Оздятичский». Але агульная колькасьць выбарнікаў у акрузе павялічылася ў параўнаньні з 2004 годам яшчэ на 810 чалавек і склала 69 982 чал. Ад сярэдняй колькасьці 64 042 адхіленьне ў бок павелічэньня складае 5940 чалавек альбо амаль крытычныя 10% (9,3%), на якія дазволена рабіць адхіленьні ад сярэдняга значэньня ў той ці іншы бок.
Лагойская акруга атрымала нумар №67 (раней была - №82).
«Роговской, Юзуфовский сельсоветы» заменены аднім Папернянскім селсаветам. Аднак, колькасьць выбарнікаў павялічылася з 63 196 чалавек аж на 6602 чалавекі й склала 69 798 выбарнікаў, што на 10,45% перавысіла агульную колькасьць выбарнікаў у дадзенай акрузе ў 2004 годзе. Адносна сяредняга значэньня (64 042) колькасьці выбранікаў на участку адхіленьне склала 5756 чалавек ці 9% у бок павелічэньня колькасьці выбарнікаў на акрузе.
З Жодзінскай акругі выключаны 2-а сельсаветы, а Смалявіцкі раён падзелены з Лагойскай акругаю, як і ў 2004 годзе, аднак на тэрыторыі Жодзінскае акругі, пры гэтым, колькасьць выбарнікаў здолела павялічыцца на 810 чалавек …
Таксама, пры фактычным тэрытарыальна-колькасным памяншэньні на Лагойскай акрузе (убралі 2-а сельсаветы, далучылі адзін), колькасьць выбарнікаў вырасла аж на 6602 чалавекі, і таксама складае зараз амаль крытычны максымум (максымальна дапушчальная велічыня у гэтым годзе - 70 446 чалавек на ўчастак).
