Канцэрн «Белдзяржстраўпрам» прапрацоўвае магчымасьць прыцягненьня кіраўнікоў замежных кампаній да дзейнасьці адчыненых акцыянерных грамадстваў «Крыніца» і «Брэсцкае піва», паведаміў старшыня канцэрну Ян Даньчанка.
Па яго словах, гэта будзе зроблена ўпершыню ў Беларусі. «Нам патрэбныя сучасныя кіруючыя тэхналёгіі і мэнэджмент», — падкрэсліў ён. Мэта прыцягненьня кіруючай кампаніі — забясьпечыць больш высокія аб’ёмы і эфектыўнасць вытворчасьці. Такая кампанія за кошт укараненьня сучасных тэхналогіяў і мэнэджменту можа павялічыць рынкавы кошт прадпрыемства, якім будзе кіраваць. З прыцягненнем кіруючай кампаніі будзе весьціся і навучаньне кадраў.
«Неабавязкова, каб гэта была замежная кампанія — ёю можа стаць і беларуская, — сказаў Ян Даньчанка. — У нас ёсьць прыватныя кампаніі, якія працуюць пасьпяхова».
Цяпер распрацоўваюцца ўмовы правядзеньня конкурсу для прыцягненьня кіруючай кампаніі па тых прадпрыемствах, дзе асноўная доля акцый належыць дзяржаве. «Канчатковае рашэньне будзе прынята на ўзроўні ўрада. Канцэрну дадзена даручэньне прапрацаваць умовы па прыцягненьні кіраўнікоў кампаніяў», — удакладніў Ян Даньчанка, паведамляе БЕЛТА.
