Як гуляецца ў выбары дзяржаўная прэса. Фота Аляксея Лапіцкага.

Як гуляецца ў выбары дзяржаўная прэса. Фота Аляксея Лапіцкага.

У першы дзень датэрміновага галасаваньня “Жодзінскія Навіны” на сваім сайце зрабілі тэрміновы рэпартаж з выбарчага ўчастку №23 (інтэрнат КЗЦШ) і паказалі карцінку, на якой датэрміновае галасаваньне праходзіць пры поўным складзе камісіі, а маладая сям’я зь 2-ма дзецьмі спачатку бярэ, а потым апускае бюлетэні ў празрыстыя скрыні …

“Што тут такога?”, - спытаеце вы. - У чым падвох?

Па-першае, як вынікае з карцінкі, недасьведчаны можа падумаць, што падчас датэрміновага галасаваньня выбарчыя камісіі працуюць у поўным складзе. Насамрэч поўны склад камісіі пасадзілі за сталы толькі дзеля рэклямнай карцінкі, якая не адлюстроўвае рэальнасьць. Сябры камісіі зьбіраліся толькі для правядзеньня сходу і аплямбіяваньня выбарчых скрыняў. Далей за сталамі будуць працаваць па 2 дзяжурных сябра камісіі.

Па-другое, напрыканцы публікацыі “Жодзінскія Навіны” вуснамі сябраў сям’і Галівуліных акцэнтавалі ўвагу чытача на тым, што свой выбар гэроі публікацыі зрабілі цалкам сьвядома й асэнсавана, бо

1) “з праграмамі кандыдатаў” яны “ужо даўно ўважліва азнаёміліся” (!?), і

2) “таму прагаласавалі за чалавека годнага і мэтаскіраванага” (!?). “Хочацца, каб менавіта ён атрымаў перамогу“, - сказалі яны.

Канец першага дня датэрміновага галасваньня на УВК №23, Жодзіна. Фота Аляксея Лапіцкага.

Канец першага дня датэрміновага галасваньня на УВК №23, Жодзіна. Фота Аляксея Лапіцкага.

Першае аказалася відавочнай хлусьнёю, бо выбарчая кампанія ў Жодзіне характэрна тым, што праграмаў у кандыдатаў (за рэдкім адзінкавым выключэньнем) не выраблялася, і іх нідзе нельга ўбачыць.

Інфармаваньне замест агітацыі у файе інтэрнату КЗЦШ, Моладзевая УВК №23. Фота Аляксея Лапіцкага.

Інфармаваньне замест агітацыі у файе інтэрнату КЗЦШ, Моладзевая УВК №23. Фота Аляксея Лапіцкага.

Другое становіцца хлусьнёю, у выніку элемэнтарнай лёгікі і прычына-сьледчай сувязі.

Нельга ведаць пра “годнасьць і мэтаскірванасьць кандыдата”, як мінімум, не прачытаўшы ягонай праграмы, а толькі пасьля азнаямленьня з фатаграфіяй і кароткімі біяграфічнымі дадзенымі апошняга з цэнтралізавана вырабленай  інфармацыйнай улёткі.

Старшыня выбарчай камісіі УВК № 23, што трапіла ў поле зроку “Жодзінскіх Навінаў”, Людміла Харужая, таксама нідзе ня бачыла агітацыйных матэрыялаў і праграмаў кандыдатаў у Гарадзкую раду дэпутатаў, у тым ліку і зь ейнага выбарчага ўчастку.

Старшыня УВК №23, Людміла Харужая, на выбарчым участку 13.02.2018. Фота Аляксея Лапіцкага.

Старшыня УВК №23, Людміла Харужая, на выбарчым участку 13.02.2018. Фота Аляксея Лапіцкага.

Яна адзначыла, што лічыць слушнай і падтрымлівае пазыцыю незалежнага назіраньня ў Жодзіне адносна таго, што ў кандыдатаў акрамя падобнай біяграфічнай інфармацыі абавязкова павінны быць уласныя выбарчыя праграмы альбо хаця б праграмныя тэзісы, каб выбарнікі маглі свабодна прачытаць іх і ведаць за каго варта аддаваць свой голас.

Такім чынам, у сувязі з тым, што ў горадзе з 68 кандыдадатаў свае праграмы на 13.02.2018 (за 4 дні да дня галасаваньня) вырабілі і прадставілі ў Жодзінскую ГВК (што засьведчыла праверка незалежнага назіраньня пасьля 18-00, 13.02.2018)  толькі 3 чалавекі. Гэта - Натальля Сушко, экс старшыня гарадзкой Рады дэпутатаў, - аўтазавадзкая акруга № 9; Валеры Бандарэнка і Аляксандар Мыцко - Купрыянаўская выбарчая акруга № 1. Агітматэрыялаў Кандыдатаў Бусько ды Ярмоленкі, якія таксама стваралі свае выбарчыя фонды для вырабу агітматэрыялаў, у Жодзінскай ГВК на гэты час, чамусьці, не знайшлося.

Астатнія кандыдаты (у тым ліку й тыя, што балятуюцца па акругах разглядаемай Моладзевай УВК № 23) ніякіх выбарчых праграмаў не публікавалі.

У сувязі з гэтым  матэрыял “Жодзінскіх Навінаў” разьлічаны на недсьведчаную аўдыторыю і ўводзіць сваіх чытачоў у зман.

У выніку можна зрабіць выснову, што публікацыя “Жодзінскіх Навінаў” скіраваная і на прыхаванае рэклямаваньне “датэрміновага галасаваньня”, і на агітацыю праз дзяржаўную прэсу “праграмы” аднаго “годнага і мэтаскіраванага” кандыдата з УВК № 23, які (быццам бы) такую праграму мае і апублікаваў для азнаямленьня сваіх выбарнікаў.

Як Жодзінскія Навіны

Як "Жодзінскія Навіны" дэзынфармавалі грамадзкасьць. Фота Аляксея Лапіцкага.

P/S

Як паведамляе незалежнае назіраньне кампаніі “Праваабаронцы за свабодныя выбары” з Жодзіна, пытаньні па публікацыі “ЖН” узьніклі адразу наконт выказваньня адносна “праграмаў кандыдатаў”. У гэтай сувязі назіральнік у Жодзінскай Гарадзкой выбарчай камісіі Аляксей Лапіцкі вырашыў ўдакладніць сытуацыю з наяўнасьцю агітацыйных матэрыялаў у ГВК і на дадзеным участку, а таксама паглядзець, хто на ім балятуецца …

Аляксей Лапіцкі, Жодзіна. Аўтапартрэт (2012г.)

Аляксей Лапіцкі, Жодзіна. Аўтапартрэт (2012г.)

Аказалася, што пададзеная “Жодзінскімі Навінамі” інфармацыя ўводзіць у зман і жодзінскіх выбарнікаў, і любога, хто пачытае гэты артыкул.

Высьветлілася, што на паказаным у публікацыі выбарчым участку няма кандыдатаў у гарадзкую Раду, якія б адчынялі свае выбарчыя фонды і выраблялі свае ўласныя агітацыйныя матэрыялы.

- У іх проста няма ні агітацыйных матэрыялаў, ні праграмы, якую “так уважлтва і даўно вывучылі” прагаласаваўшыя датэрмінова Галівуліны. Пра што паведамляе афіцыйная газэта жодзінскага выканкаму (галоўная рэдактарка “ЖН”, Людміла Курбанава, таксама ў чарговы раз балятуецца ў гарадзкую раду па безальтэрнатыўнай акрузе), - адзначае назіральнік Аляксей Лапіцкі.

Паводле незалежнага назіраньня
Падрыхтаваў Алесь ЛЕТА

Фота: Аляксея Лапіцкага

Цэтлікі: , , , , , , , , , , , , , , , , , , , , , , , , , , , , , , , , , ,
Катэгорыі: - Ініцыятыва 'ЗА Эўрапейскі ГОРАД!', - Народная ініцыятыва 'За Свабодны выбар!', Cупольнасьць, Артыкулы, Навіны, Праваабарона: закон і права, Фотаклюб "Ракурс", Фотарэпартажы |

Імя
* неабходнае поле

Email
* неабходнае поле

Сайт

Каментар
* XHTML: Вы можэаце выкарыстоўваць наступныя тагі: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

SEO Powered by Platinum SEO from Techblissonline