Перад "пустой залай". Пачатак агітсустрэчы д.а. П.Пархомчыка ў "Моладзевым Цэнтры" 08.02.2018. Фота Аляксея Лапіцкага.

Перад "пустой залай". Пачатак агітсустрэчы д.а. П.Пархомчыка ў "Моладзевым Цэнтры" 08.02.2018. Фота Аляксея Лапіцкага.

На гэтыя сустрэчы яўка калектыву “Моладзевага Цэнтру” была абавязковай! Пра сустрэчы друкавалася ў “Жодзінскіх Навінах” і на сайце “ЖН”.

Сустрэча з выбарнікамі даверанай асобы кандыдата ў Менскую абласную Раду дэпутатаў Пятро Пархомчыка (магістральная акруга 24) і 4 кандыдатаў па акругах 11, 12, 13 і 14 у памяшканьне “Моладзевага Цэнтру” (УВК Будаўнічага ўчастку для галасваньня - акругі12 і 13 і 25) не прыйшло ніводнага выбарніка з гэтых акругаў.

Замест іх на сустрэчах, - 08.02.2018, з даверанай асобаю П.А. Пархомчыка, В.А. Трускоўскім, і 09.02.2018 з кандыдатамі Барсуковым К.М., Зубко С.У., Дубоўскім Г.У. і Быліцкім В.В., - прысутнічала 6 і 4 чалавекі адпаведна!

Кандыдаты ў дэпутаты: С.Зубко, К.Барсукоў, Г.Дубоўскі, В. Быліцкі, 09.02.2018. Фота Аляксея Лапіцкага.

Кандыдаты ў дэпутаты: С.Зубко, К.Барсукоў, Г.Дубоўскі, В. Быліцкі, 09.02.2018, перад "пустой залаю". Фота Аляксея Лапіцкага.

На гэтыя сутрэчы не прыйшло аніводнага выбарніка з гэтых 4 акругаў:

2-3 - супрацоўніцы працоўнага калектыву “Моладзевага Цэнтру” - прысутнічалі на кожнай сустрэчы (гл. абвестку з заклікам на сустрэчы),

1 - супрацоўніца выканкаму (на першай сустрэчы),

1 - дэпутатка гарадзкой Рады 27-га скліканьня (на другой сустрэчы) … з улікам

2-х неапазнаных (без уліку 1-го незалежнага назіральніка).

Сустрэча з В.А.Трускоўскім

Выступ старшыні прафкаму ПА "БелАЗ" В.А. Трускоўскага. Фота Аляксея Лапіцкага.

Выступ старшыні прафкаму ПА "БелАЗ" В.А. Трускоўскага. Фота Аляксея Лапіцкага.

На сустрэчы вельмі падрабязна й доўга распавядалася працоўная біяграфія кандыдата Пятра Пархомчыка, пра ягоныя заслугі як дырэктара ПА “БелАЗ”, а таксама пра стан завода і дасягненьні працоўнага калектыву. Тлумачылася, што ў Менскай абласной Радзе дэпутатаў неабходна прадстаўляць інтарэсы ПА “БелАЗ”, і лепш за ўсіх з гэтым справіцца дырэктар, які павінен быць непасрэдна інфармаваным пра сытуацыю ў Менску і ўплываць на рашэньні Менскай гарадзкой Рады. Пры гэтым, ніякіх дадатковых агітацыйных матэрыялаў альбо выбарчай праграмы кандыдату прысутным на сутрэчы не прадстаўлялася. Пытаньняў да выступрўцы практычна не было…

Высту В.А.Трускоўскага, д.а. П.Пархомчыка. Фота Аляксея Лапіцкага.

Высту В.А.Трускоўскага, д.а. П.Пархомчыка. Фота Аляксея Лапіцкага.

Доўгая прамова д.а. В.Трускоўскага на сутрэчы 08.02.2018. Фота Аляксея Лапіцкага.

Доўгая прамова д.а. В.Трускоўскага на сутрэчы 08.02.2018. Фота Аляксея Лапіцкага.

Назіральнік Аляксей Лапіцкі і д.а. Трускоўскі на сустрэчы 08.02.2018. Фота Аляксея Лапіцкага.

Назіральнік Аляксей Лапіцкі і д.а. Трускоўскі на сустрэчы 08.02.2018. Фота Аляксея Лапіцкага.

Сустрэча з 4-ма кандыдатамі

Кандыдаты на пачатку сутрэчы перад "пустой залай". Фота Аляксея Лапіцкага.

Кандыдаты на пачатку сутрэчы перад "пустой залай". Фота Аляксея Лапіцкага.

На сустрэчу з 4-ма кандыдтамі зьявіліся тыя ж самыя асобы з працоўнага калектыву “Моладзевага Цэнтру” і былая дэпутатка гарадзкой Рады 27-га скліканьня.

Эксдэпутатка і 2-е спрацоўніцы "Моладзевага Цэнтру" на сустрэчы 09.02.2018. Фота Аляксея Лапіцкага.

Эксдэпутатка і 2-е спрацоўніцы "Моладзевага Цэнтру" на сустрэчы 09.02.2018. Фота Аляксея Лапіцкага.

Эксдэпутатка гарадзкой Рады на сустрэчы 09.02.2018. Фота Аляксея Лапіцкага.

Эксдэпутатка гарадзкой Рады на сустрэчы 09.02.2018. Фота Аляксея Лапіцкага.

На пытаньні адной з удзельніц пра наяўнасьць выбарчых праграмаў у прысутных кандыдатаў, апошнія доўга тлумачылі, што яны ім не патрэбныя.

Бо сваю ролю ў мясовай Радзе (бачна, у іх не было й сумніву, што яны ўжо зьяўляюцца дэпутатамі) яны бачуць у тым, каб рэагаваць на канкрэтныя праблемныя звароты выбарнікаў і дапамагаць ім вырашаць праблемы адпаведна сваёй прафэсійнай арыентацыі альбо спэцыфікі - па дзіцячых пляцоўках, па мэдыцыне, у сфэры ЖКГ і г.д.

Пры гэтым, высьветлілася, што праблемныя пытаньні ці нават цікавыя для горада прапановы, якія пачалі задаваць і выказваць кандыдатам прысутныя (у тым ліку і незалежны назіральнік, як жыхар Жодзіна) - з цяжкасьцю знаходзяць разуменьне ў кандыдатаў альбо ў сілу малой іхнай інфармаванасьці па адзначанай тэматыцы, альбо - ня веданьня заканадаўства, альбо з-за таго, што яны як раз маюць вялікі досьвед выключна ва ўласнай прафэсійнай сфэры і нават, часам, ня могуць зразумець сутнасьць ці значнасьці ўзьнятых на паседжаньні пытаньняў альбо прагучаўшых прапановаў.

Сяргей Зубко і Кірыл Барсукоў на сустрэчы. Фота Аляксея Лапіцкага.

Сяргей Зубко і Кірыл Барсукоў на сустрэчы. Фота Аляксея Лапіцкага.

Толькі кандыдат С.У. Зубко, напрыклад, - пасьля 30 хвілінаў дыскусіі з удзельніцамі сутрэчы, - змог адэкватна адказаць на першае пытаньне да кандыдатаў ад жыхаркі Жодзіна (з вул. Сухаградзкая, 10) пра неабходнасьць спыненьня дыскрымінацыйнай практыкі адносна жыхароў жыльлёвых капэратываў, якія ў роўнай ступені ўдзельнічаюць у адлічэньнях у гарадзкі бюжэт і маюць права на адпаведную падтрымку з пабудоваю дзіцячых дваравых пляцовак.

Супрацоўніца "Моладзевага Цэнтру" на сустрэчы. Фота Аляксея Лапіцкага.

Супрацоўніца "Моладзевага Цэнтру", якая запыталася пра агітацыйныя праграмы кандыдатаў. Фота Аляксея Лапіцкага.

Выглядала так, што кандыдаты й насамрэч лічаць сябе ўжо дэпутатамі, і бачуць прамыслова-вытворчы прынцып фармаваньня градзкой Рады (у асноўным з складу дзяржчыноўнікаў, начальства і дырэктарату) абаснаваным для паляпшэньня ейнай эфэктыўнасьці.

Аднак, пры такім вытворча-памэнклятурным падыходзе да фармаваньня складу дэпутатаў, гарадзкая Рада, як заўсёды, будзе падкантрольным выканаўчай уладзе інcтрумэнтам не для прадстаўленьня інтарэсаў грамадзянаў (у чым, насамрэч, ёсьць ейнае асноўнае прызначэньне), а для прасоўваньня і аховы адпаведных карпаратыўных і вытворчых інтарэсаў, а не інтарэсаў розных слаёў грамадзянаў, жыхароў Жодзіна.

Як сьледзтва такой пазыцыі, у супрацьвагу запытаў адной з прысутных грамадзянак пра агітацыйныя праграмы, - усе кандыдаты выказаліся пра тое, што такія праграмы ім не патрэбныя, як і адпаведныя агітацыйныя матыэрыялы для выбарнікаў.

У той жа час, усе разам прызналі незразумелым ім і ненармальным той факт, што з прыкладна 6 000 выбарнікаў іхных 4аб’яднаных акругаў (№№11, 12, 13 і 14), - як трапна заўважыў Кірыл Барсукоў, - на сутрэчу з кандыдатамі не прыйшло ніводнага іхнага выбарніка.

Бо ўсе зразумелі, што прысутныя на іхнай “сустрэчы з выбарнікамі” найперш выконвалі свае альбо службовыя абавязкі, альбо дэлегаваныя функцыі.

Памяшканьне камісіі. Фота Аляксея Лапіцкага.

Памяшканьне камісіі. Фота Аляксея Лапіцкага.

Ня гледзячы на такі склад удзельнікаў, прысутныя здолелі прагматычна прыняць існуючы стан рэчаў і ўмовы, у якіх праходзіць цяперашняя выбарчая кампанія - без агітацыі і дастатковай інфармацыі пра кандыдатаў, без іхных агітацыяных матэрыялаў і праграмаў.

Яны праявілі цікавасьць адзін да аднаго як асобаў і прафэсіяналаў у сваёй сфэры, паразмаўлялі па душах, паўдзельнічалі ў завязаўшайся дыскусіі.

Дэпутацкія наказы ад прысутных

Удзельніца сустрэчы. Фота Аляксея Лапіцкага.

Удзельніца сустрэчы, супрацоўніца "Моладзевага Цэнтру". Фота Аляксея Лапіцкага.

Напрыканцы прагучалі і “дэпутацкія наказы” пра неабходнасьць паляпшэньня мэдычнага абслугоўваньня й набыцьцё дадатковай дыягнастычнай апаратуры (наказы ад эксдэпутаткі), пра дзіцячыя гульнявыя пляцоўкі і няроўнасьць жыхароў розных дамоў адносна дапамогі ад горада (ад жыхаркі дома па вул. Сухаградзкая, 10), пра неабходнасьць падтрымкі беларускай нацыянальнай ідэнтычнасьці, мовы і культуры праз рашэньні гарадзкой Рады (ад сацыяльнага пэдагога і псыхоляга “Моладзевага Цэнтру”).


Аляксей Лапіцкі, Жодзіна. Аўтапартрэт (2012г.)

Аляксей Лапіцкі, Жодзіна. Аўтапартрэт (2012г.)

Назіральнік, Аляксей Лапіцкі, прапанаваў упрыгожыць горад новымі таблічкамі з надпісамі вуліцаў па-беларуску (як таго патрабуе Закон “Аб назвах гэаграфічных аб’ектаў у Рэспубліцы Беларусь”) з выканьнем правіла, прапісанага ў ім адносна назваў гэаграфічных аб’ектаў, якое кажа, што пазначаць назвы неабходна на беларускай мове і не перакладаць іх у далейшым, а запісваць з дапамогаю трансьлітэрацыі (калі гэта неабходна для надпісаў на любой іншай мове) …

Удзельнік сустрэчы таксама папрасіў кандыдатаў падтрымаць ягоную ідэю па стварэньні вялікага мастацкага пано Францішка Скарыны на тарцавой сьцяне жылога дома 3 па вул. Ф.Скарыны. Гэта магло б зьмястоўна дапоўніць і ўпрыгожыць ужо існуючую кампазыцыю адпаведных пано, створаных у Жодзіне за апошні час па вул. 50 Год Кастрычніку.

Праваабаронца таксама выказаўся за спыненьне марнатраўства бюджэтных сродкаў на безгустоўную і заганную практыку фарбаваньня дарожных бардзюраў вапнаю, што ў выніку не ўпрыгожвае, а працягвае толькі псаваць гарадзкі выгляд, - прыклад параўнаўчага фотарэпартажу А.Лапіцкага - гл. тут.

НАГЛЯДНА ПРА СУСТРЭЧУ

Першыя 2-а пытаньні, пра праграмы каныддатаў і дзіцячыя пляцоўкі

- відэа глядзі ТУТ


Паводле незалежнага назіраньня
Падрыхтаваў Алесь ЛЕТА
Lićviny-INFA

Фота, відэа: Аляксея Лапіцкага


Цэтлікі: , , , , , , , , , , , , , , , , , , , , , , , , , , ,
Катэгорыі: - Ініцыятыва 'ЗА Эўрапейскі ГОРАД!', - Ініцыятывы, - Народная ініцыятыва 'За Свабодны выбар!', Cупольнасьць, Артыкулы, Відэа, Навіны, Праваабарона: закон і права, Фотаклюб "Ракурс", Фотарэпартажы |

Гэты артыкул размешчаны 10.02.18 19:17 у катэгорыі: - Ініцыятыва 'ЗА Эўрапейскі ГОРАД!', - Ініцыятывы, - Народная ініцыятыва 'За Свабодны выбар!', Cупольнасьць, Артыкулы, Відэа, Навіны, Праваабарона: закон і права, Фотаклюб "Ракурс", Фотарэпартажы.
Вы можаце сачыць за водгукамі праз RSS 2.0 разсылку. Вы можаце пакінуць водгук, альбо скарыстацца трэкбэкам з вашага уласнага сайта.
  1. 12.02.18 23:41: Ці патрэбны праграмы кандыдатам на мясцовых выбарах?! І навогул - агітацыя? | Жодзінскі Інфармацыйны Партал [ ]

    [...] На сутрэчы з 4-ма кандыдатамі (Зубко С.У., Барсуковым К.М., Дубоўскім Г.У. і Быліцкім В.В. - гл. за сталом з правага боку - налева) у Жодзінскім “Моладзевым Цэнтры” аказалася “НУЛЬ” выбарнікаў. [...]

Імя
* неабходнае поле

Email
* неабходнае поле

Сайт

Каментар
* XHTML: Вы можэаце выкарыстоўваць наступныя тагі: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

SEO Powered by Platinum SEO from Techblissonline