Вядомы дэпутат Міхал Бараноўскі зарэгістраваў 5 давераных асобаў. Фота Аляксея Лапіцкага.

Дэпутат Міхал Бараноўскі ў якасьці кандыдата зарэгістраваў 5 давераных асобаў. Фота Аляксея Лапіцкага.

На паседжаньні Жодзінскай гарадзкой выбарчай камісіі 22 студзеня 2018 разглядалася пытаньне пра рэгістрацыю давераных асобаў кандыдатаў на выбары ў гарадзкую Раду дэпутатаў 28-га скліканьня.

Паседжаньне праводзілася з 17-30 ў памяшканьні камісіі (каб. №118 жодзінскага гарвыканкаму) і доўжылася 12 хвілінаў. На ім прысутнічалі 11 сябраў камісіі і 2 назіральнікі:

незалежны назіральнік ад БГК, кампаніі “Праваабаронцы за свабодныя выбары”, Аляксей Лапіцкі, і

назіральніца ад жаночай арганізацыі, супрацоўніца арганізацыйна-кадравага адзьдзелу выканкаму, Алена Вечарынская, падпарадкаваная сулжбова начальніцы арганізацыйна-кадравага адзьдзелу выканкаму, сакратарцы выбарчай камісіі Тацяне Краўцэвіч).

У выніку, з улікам паседжаньня 19.01.2018, на якім адбывалася регістрацыя кандыдатаў, сваіх давераных асобаў на 22.01.2018 у Жодзінскай ГВК зарэгістравалі 14 кандыдатаў.

Некаторыя кандыдаты зарэгістравалі па 2 чалавекі (сваіх родных), іншыя – максымальна дазволеную колькасьць – па 5 чал. Усяго зарэгістраваныя 42 давераныя асобы.

Пытаньні парадку правядзеньня агітацыйных мерапрыемстваў

Пасьля паседжаньня назіральнік вымушаны быў удакладніць пытаньні адносна парадку правядзеньня агітацыйных мерапрыемстваў (у памяшканьнях і на вуліцах горада) у сакратаркі Тацяны Краўцэвіч.

Гэта неабходна было зрабіць, бо тая інфармацыя, якую прадставіў кандыдатам у дэпутаты старшыня Жодзінскай ГВК паказвала на адсутнасьць у кіраўніцтва камісіі дакладнага разуменьня ды трактоўкі дадзенай працэдуры.

Спачатку 17.01.2018 для кандыдатаў прагучала наступнае:

“Вы зьвернецеся ў выканкам і на працягу 2 дзён яны вам пакажуць, дзе можна будзе правесьці такі сход, пікет альбо мітынг“.

І гэта пры тым, што ВК Беларусі прадпісвае свабоду агітацыі ды апавяшчальны характар пры арганізацыі правядзеньня агітацыйных вулічных мерапрыемстваў, а ўсе забароненыя месцы ўжо вызначаныя выканаўчым камітэтам у адмысловым Рашэньні №3 ад 05.01.2018.

Непаразуменьні ўзьніклі таксама і пасьля тлумачэньняў старшыні камісіі Сяргея Афанасенкава на гэтую тэму, якія ён даваў пры інфармаваньні кандыдатаў пры правядзеньні жэраб’ёўкі на паседжаньні Жодзінскай ГВК 19.01.2018, адказваючы на пытаньне назіральніка Аляксея Лапіцкага глядзі ніжэй кароткае відэа, дзе адказ старшыні зафіксаваны напрыканцы першай хвіліны, а дакладней на адрэзку відэа: 1:542:12 і далей.

ВІДЭА З ПАСЕДЖАНЬНЯ (3-41 хв.) –

ГЛЯДЗІ ТУТа

У выніку Тацяна Краўцэвіч пацьвердзіла памылковую ўзгадку пра Зкон … Яна таксама ясна адзначыла, што кандыдаты не павінны падаваць заяўкі на правядзеньне масавых мерапрыемстваў адпаведна дзейснаму Закону “Аб масавых мерапрыемствах у Рэспубліцы Беларусь”.

Як адзачае жодзінскі праваабаронца Аляксей Лапіцкі, згодна з адмысловым заключэньнем Венэцыянскай камісіі ад 2012 году гэты нацыянальны закон патрабуе істотнай прерапрацоўкі. – Кандыдаты ж дзейнічаюць у межах Выбарчага Кодэксу Рэспублікі Беларусь. А там прадугледжана зусім іншая працэдура, больш набліжаная да агульнапрызнаных стандартаў права на мірныя сходы і публічныя выказваньні, якія ёсьць нормаю ва ўсім цывілізаваным сьвеце й зьяўляюцца абавязковымі для Беларусі, як адной зь Дзяржаў-Падпісантак Міжнароднага Пакту аб грамадзянскіх і падітычных правах (МПГіПП), – падкрэсьлівае незалежны назіральнік.

Кандыдаты павінны за 2 дні ў адвольнай пісьмовай форме зрабіць апавяшчэньне ў выканкам (гл. фота ніжэй) пра месца й час плянуемых ім масавых мерапрыемства ў любым з незабароненых адпаведным Рашэньнем 3 месцы.

Гэта неабходна для таго, каб не прасіць дазволу на правядзеньне ў гарадзкіх уладаў, а даць магчымасьць міліцыі, мэдыкам альбо камунальнікам (пры неабходнасьці) аказаць садзеяньне кандыдатам і іхным давераным асобам у рэалізацыі заплянаваных агітацыйных пікетаў, мітынгу альбо сходаў і якасна выканаць уласныя службовыя абавязкі па ахове ўдзельнікаў і захаваньні належнага  грамадзкага правапарадку ў горадзе.

Мэтадычка з Жодзінскай ГВК. Фота Аляксея Лапіцкага.

Мэтадычка з Жодзінскай ГВК. Фота Аляксея Лапіцкага.

Назіральніка задаволіў такі адказ і тлумачэньні, але …

Праблема неадпаведнага прачытаньня ці трактоўкі такіх важных для кожнага актыўнага кандыдата працэдураў, адпаведнага сваечасовага інфармаваньня ўсіх зацікаўленых бакоў – замінае ў эфэктыўным плянаваньні й правядзеньні імі паўнавартаснай агітацыйнай кампаніі, як мінімум.

Аляксей Лапіцкі ў гэтай сувязі адзначае:

Падобныя правільныя ды ясныя тлумачэньні добра даваць сваечасова і тым, каму такая інфармацыя найперш неабходная – кандыдатам у дэпутаты ды іхным давераным асобам, а не назіральнікам любых роўняў пры размове сам-насам у памяшканьні камісіі …

АЎДЫЁСЬВЕДЧАНЬНЕ – АДКАЗ-ТЛУМАЧЭНЬНЕ АД ТАЦЯНЫ КРАЎЦЭВІЧ 22.01.2018 –

МОЖНА ПАСЛУХАЦЬ ТУТ

Паводле незалежнага назіраньня,

Падрыхтаваў Алесь ЛЕТА

Lićviny-INFA

Фота, аўдыё: Аляксея Лапіцкага

Цэтлікі: , , , , , , , , , , , , , , , , , , , , , , , , , , , , ,
Катэгорыі: - Ініцыятыва 'ЗА Эўрапейскі ГОРАД!', - Народная ініцыятыва 'За Свабодны выбар!', Cупольнасьць, Навіны, Праваабарона: закон і права |

Імя
* неабходнае поле

Email
* неабходнае поле

Сайт

Каментар
* XHTML: Вы можэаце выкарыстоўваць наступныя тагі: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

SEO Powered by Platinum SEO from Techblissonline