Prava-BY.info: Беларускі Праўны Партал

Гэрб Жодзіна ў зале паседжаньняў гарвыканкаму. Фота Аляксея Лапіцкага.

Гэрб Жодзіна ў зале паседжаньняў гарвыканкаму. Фота Аляксея Лапіцкага.

04 студзеня 2018г. з 17.30 да 17.55 прайшло паседжаньне Жодзінскай гарадзкой выбарчай камісіі па выбарах дэпутатаў Жодзінскай гарадзкой Рады дэпутатаў 28-га скліканьня.

На паседжаньні прысутнічала 11 сябраў камісіі і 2 назіральнікі. Вёў паседжаньне старшыня камісіі Сяргей Афанасенкаў.

Напрацягу 25 хвілінаў, удзельнікі разглядзелі й прынялі рашэньні па трох пытаньнях. Яны адзінагалосна прагаласавалі і ўзгаднілі месцы:

- для разьмяшчэньня агітацыйных друкаваных матэрыялаў;
- для правядзеньня сустрэчаў кандыдатаў у дэпутаты ды іхных давераных асобаў з выбаршчыкамі, а таксама для перадвыбарчых сходаў, якія арганізуюцца выбаршчыкамі;
- для правядзеньня ў паведамляльным парадку масавых мерапрыемстваў (сходаў па-за памяшканьнямі, мітынгаў, пікетаваньняў), якія арганізуюцца кандыдатамі ў дэпутаты мясцовых Радаў дэпутатаў 28-га скліканьня, іх даверанымі асобамі.

1. Асноўнымі месцамі для агітацыйных плякатаў і ўлётак, без уліку назіраемых раней праблемаў, зноў зацьверджаныя інфармацыйныя стэнды арганізацыяў і установаў, прадпрыемстваў гандлю, а таксама вулічныя  інфармацыйныя тумбы.

Камісія не пагадзілася з прапановаю даўгатэрміновага назіральніка, Аляксея Лапіцкага, зьвярнуць увагу на пастаянна фіксуемую праблему, якая замінае кандыдатам безперашкодна й заўважна праводзіць уласную візуальную агітацыйную камапанію ў горадзе.

Прысутныя адмовіліся ўносіць дапаўненьні ў прапанаваны выканкамам варыянт і такім чынам пашыраць магчымасьці для разьмяшчэньня агітацыйных плякатаў кандыдатаў  “на іншыя зручныя й прыдатныя для такіх мэтаў месцы, абароненыя ад псаваньня прадукцыі ды заўсёды адкрытыя для агляду грамадзянамі”. Такія месцы маглі б выкарыстоўвацца з дазволу адміністрацыяў установаў, у тым ліку, - на вітражным шкле гарадзкіх крамаў, на нутраных сьценах ці спэцыяльных расьцяжках і г.д..

Назіральнік кампаніі “Праваабаронцы за свабодныя выбары” Аляксей Лапіцкі патлумачыў, што

прынятыя правілы візуальнай агітацыі не даюць магчымасьці кандыдатам праводзіць сваю ўласную агітацыйную камапанію адкрыта й заўважна для выбарнікаў. Бо інфармацыйных стэндаў, на якіх толькі й дазволена разьмяшчаць агітацыйныя плякаты ды ўлёткі ў горадзе не існуе. Тыя ж стэнды, якія можна знайсьці й скарыстаць у крамах, альбо занятыя, альбо для такіх задачаў непрыстасаваныя. А інфармацыйныя стэнды, якія мэтава выстаўляе ў свой час выбаркам з прысутнымі на іх аўтабіяграфічнымі улёткамі пра кандыдатаў, - носяць выключна не агітацыйны, а інфармацыйны характар, але яны, як паказвае практыка, заўсёды падмяняць сабодю агітацыйную прадукцыю кандыдатаў. Чаго быць не павінна. Аднак, менавіта яны становяцца на самыя бачныя месцы, мацуюцца на вітражах ці ў тамбурах крамаў, што фактычна зьяўляецца падменаю агітацыйнай кампаніі кандыдатаў цэнтралізаванай інфарамцыйнай кампаніяй выбаркаму.

Кароткая дыскусія ў камісіі па гэтым пытаньні паказала, што большасьць сябраў ГВК ды ейнае кіраўніцтва не разумеюць альбо не жадаюць бачыць розьніцы паміж візуальнай агітацыйнай прадукцыяй кандыдатаў і цэнтралізаванай - інфармацыйнай.

Нявырашанасьць дадзенай праблемы пакідае адкрытай прастору для цалкам прагназуемых далейшых парушэньняў права кожнага кандыдата на безперашкоднае й адметнае правядзеньне сваёй уласнай візуальнай агітацыі.

Акрамя таго, у горадзе дагэтуль не створаныя спэцыяльныя агітацыйныя дошкі абвестак, прыстасаваныя для агітацыйнай прадукцыі.

Прапануемыя з кампаніі ў кампанію інфармацыйныя тумбы ў Жодзіне кандыдатамі не скарыстоўваюцца, бо яны заўсёды знаходзяцца ў нездавальняльным стане. Іх нельга будзе скарыстоўваць па прызначэньні для агітацыйных мэтаў.

2. Месцаў для сутрэчаў у памяшканьнях у Жодзіне вылучана дастаткова.

Гэта практычна ўсе наяўныя зручныя залы ў кожным з мікрараёнаў гораду.

3. З агітацыйнымі пікетамі альбо мітынгамі нельга будзе знаходзіцца:

1) на пасадачных пасажырскіх плятформах чыгуначнай станцыі і вакзалу, а яшчэ -

2) бліжэй за 50 мэтраў да асноўных адміністрацыйных будынкаў - выканкаму, ГАЎС, суда, пракуратуры, МНС, ды вайсковых частак №№ 28729, 44540.

Уся астатнія прыдатныя для агітацыйных пікетаваньняў і мітынгаў пляцоўкі ў Жодзіне абвешчаныя дазволенымі для вулічнай агітацыі па апавяшчальным прынцыпе.

в

Паводле незалежнага назіраньня,

Падрыхтаваў Алесь ЛЕТА

Lićviny-INFA
Фоты Аляксея Лапіцкага

Катэгорыі: - Ініцыятыва 'ЗА Эўрапейскі ГОРАД!', - Народная ініцыятыва 'За Свабодны выбар!', Cупольнасьць, Навіны, Праваабарона: закон і права, Фотаклюб "Ракурс", Фотарэпартажы |

Імя
* неабходнае поле

Email
* неабходнае поле

Сайт

Каментар
* XHTML: Вы можэаце выкарыстоўваць наступныя тагі: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

SEO Powered by Platinum SEO from Techblissonline