Міжнароднае грамадзкае аб’яднаньне “Грамадзянская Беларусь” у 2009 годзе ладзіць сэрыю адукацыйных паездак у Чэхію. Першая зь іх будзе арыентаваная на прадстаўнікоў беларускіх студэнcкіх арганізацыяў.
Праграма паездкі ўключае: сустрэчы з прадстаўнікамі студэнcкага самакіраваньня, наведваньне вышэйшых навучальных установаў і азнаямленьне зь дзейнасьцю студэнcкага самакіраваньня ў гэтых установах, сустрэчы з прадстаўнікамі розных студэнцкіх арганізацыяў.
Колькасьць удзельнікаў: 5 чалавек. Тэрмін праграмы: 20-25 красавіка 2009 году. Працягласьць праграмы: 1 працоўны тыдзень.
Выдаткі на праезд да Прагі й у зваротны бок, тыднёвы праязны на грамадзкі транспарт і пражываньне ў гатэлі бярэ на сябе бок, які прымае. Удзельнікам будуць прадастаўленыя суткавыя на харчаваньне. Аказваецца садзеяньне ў атрыманьні візы. Віза будзе выданая бескаштоўна. Удзельнікам зь рэгіёнаў будуць аплочаныя дзьве паездкі ў Менск, зьвязаныя з афармленьнем Чэскае візы.
Для ўдзелу неабходна дасылаць свае кароткія рэзюмэ (1 старонка) і дэталёвы матывацыйны ліст (да двух старонак) на беларускай, расейскай альбо ангельскай мовах. Афармленьне заяўкі вольнае. У матывацыйным лісьце кандыдат мусіць абгрунтаваць свой інтарэс да дадзенай праграмы, дэталёва апісаць свае чаканьні ад паездкі ў Чэхію, а таксама, па магчымасьці, пазначыць арганізацыі, якія ён/яна жадае наведаць пад час паездкі.
Веданьне ангельскай альбо чэскай мовы не абавязковае - на ўсіх сустрэчах будзе прысутнічаць перакладчык.
Апошні тэрмін падачы заявак: 22 сакавіка 2009 г.
Заяўкі дасылайце па адрэсе: stypendyi@seznam.cz
belngo.info
