Судзьдзя суда Ленінскага раёна г. Мінска Т.В. Жулкоўская адмовіла ўзбудзіць справу па скарзе Віктара Карняенкі супраць Міністэрства замежных справаў. Размова ідзе аб аднаўленьні дзейнасьці Гомельскага абласнога грамадзкага аб’яднаньня “Грамадзянскія ініцыятывы” у адпаведнасьці з рашэньнем Камітэта ААН па правах чалавека.
Міністэрства замежных справаў, якое абавязана сачыць за выкананьнем Беларусьсю міжнародных дамоваў, павінна было адказаць у судзе, чаму арганізацыя ўсё яшчэ пад забаронаю.
Аднак суд вырашыў дапамагчы Міністэрству. “…Рашэньнем Гомельскага абласнога суда ад 17 чэрвеня 2003 года ліквідавана Гомельскае абласное грамадзкае аб’яднаньне “Грамадзянскія ініцыятывы”, адпаведна, скарга ў інтарэсах Гомельскага абласнога грамадзкага аб’яднаньня “Грамадзянскія ініцыятывы” пададзена асобаю, якая ня мела паўнамоцтваў выступаць у інтарэсах грамадзкага аб’яднаньня” – гаворыцца ў вызначэньні суда.
Ales` Leta,
Licviny-INFA
